شعــر ترکی آذری: «صدای فرشتگان مدرسه شجره طیبه میناب»
میناب مکتبینین قوشـلارینین سَـسی
میناب مکتبینین قوشلارینین سَـسی
گُـؤیلـرده اُوچان، بیر قُوشام من آنامـی آختـاریب، تاپا بیلمیـرم
اُورییـمده باهـار، حسرتی یانیـر بُو حسـرتی آخی، دآنا بیلمیـرم
مَـن مکتبه گِـئدن، بالاجـا اُوشاق سِئوینه سِئوینه، هر گُـون قاچاردیم
سِئوَردیم باهاری، رَهـلی دونیـانی چیچکتک هاوایا، سِئوگی ساچاردیم
مکتبـدن گَـلَن، غریـبه بیر سَـس باخـچادان گُولتک، قوپاردی منی
سِئللـرین سارانی، آپاردغی کیمی بیـر کُـؤلک اَسیب، آپاردی منی
مینابین مکتبی اُود ایچره یاندی دُوشمنـین ظولمویله قانه بویاندی
ای وای آنــالار، یانــدی بالالار قانه دونـدی اورهلر، ایرانیم ای وای
آغلامـا، آغـلاما، ای گـؤزل آنـام! آننـیمدا طالعـیم بئـله یازیلیب
مَنیـم مَــزاریم، یئـرلرده دئییـر آلله امـریایله، گُـؤیده قازیلیب
بُو جاهان منه، یامـان داریمیش، بیلمَـزدیم اوشاغین، قانادی اولار
اوشاقلارلا گیزلنپاچ اویناماغین بولمـزدیم گؤیلرده، نَه دآدی اُولار!
دوستلاریم یانیمـدا، چانتالار گُؤیده کِیـتابلار کولَـهله اویناییر ایندی
بیز بولودلار ایچینده گچیب گزیریک بیزیـله ملکلر دولاشـیر اینـدی
مینابین مکتبی اُود ایچـره یاندی ترامپـین ظُولمـویله قانه بویاندی
ای وای آنــالار، یانـدی بالالار قانه دونـدی اورهلـر، ایرانیـم ای وای
آغلاییب داریخما، ای جانیم آنام! بُو گُـؤزل وطنین نَغمهسییک بیز
بایرام سفرهسینده بیزی اونوتما تُوم خالقیـمیـزین نَوهسییک بیز
آغلاما، آغلاما، ای گُؤزل آنام! عآلم گینَــه بیزدن نفَس آلاجاق
سَنه سُؤز وِئریرَم، سَن مَنه اِینان بیر داها هر شِئی، گُؤزل اُولاجاق
مرتضی کریـمی و روحاله پیـربالائی